7 / من قبل ما تكمل
من قبل ما تكمل
انا عايزك تقول ليا
ليه بتعيب كده عليا
وليه شمتان كده فيا
مش كنت انا عمرك
وبلاش تجرحني
وتعمل كل شئ ضدي
دا يما هواك ده فرحني
بلاش طيب تكرهني
في يوم عشته وانا جنبك
يما
قولت عني كلام اوي يما
قولت اني حبيبك يما
ليه بتخدعنا في هوانا
ليه بترميني في عذاب
يمكن
بعد مني هترتاح يمكن
بس وانت معايا لا يمكن
كنت تزعل يوم وانا جنبك
بس انا ضيعت عمري
بحب انا انسان كداب
عايزك توضحلي
في ايه خلاك كده تسيبني
وترميني وتتعبني
وتستهتر كده بقلبي
في ايه حصل مني
طول عمري شاري حبك
ولما اوعد بنفذلك
وبحلفلك وبثبتلك
وكنت كتير بفوتلك
عشان تفضل هنا جنبي
هفضل
مهما يحصل فاكر حضنك
هفتكر طول عمري جمايلك
بس عمري ما هرجع أحايلك
ايوه عمري انا ما ارجع ليك
وإفضل
قول عليا كلام يضايقني
قول كمان ان انت كارهني
عمر كدبك ما هيقلقني
عمري ما اندم يوم عليك
من قبل ما تكمل
انا عايزك تقول ليا
ليه بتعيب كده عليا
وليه شمتان كده فيا
مش كنت انا عمرك
..
8 / الحب ما متشي
من جوه قلبك بتقولهالي وتعيدلي فيها
وكأني اول مره اسمعها واحس بيها
مع اني قبلك سمعتها
وعشتها وصدقتها
وم اللي شفته منها
كان مستحيل افرح لو اتقالت ليا
من قبل ما تقولها انا حسيتها
وحياتي بيها انا حبيتها
غيرت رائي اتمنتها
لو بس منك طلعت ليا
بحبك ايوه انا بحبك
ومهما يلومو انا جنبك
بطمنك انت وقلبك
ونفسي من جواك تسمع
انا بعترف ان انا حبيتك
مع اني في الاول صديتك
وكنت لو عديت علي بيتك
ابص وأتمناك تطلع
بيقولو عادت كلمه عاديه
تتقال لواحده وممكن 100
ومعدش حب زي زمان
ولا حتي بقا في حنيه
بيقولو معدش حب خلاص
وبئا النفاق بدل الاخلاص
وقلوبنا تاه منها الاحساس
وايدينا بقت في الميه
كدب حبيبي اللي بيتقال
وما نسمعوش غير م العزال
طيب ده حُبك حساه خيال
الحب موجود ومامتشي
بحبك ايوه انا بحبك
ومهما يلومو انا جنبك
بطمنك انت وقلبك
ونفسي من جواك تسمع
انا بعترف ان انا حبيتك
مع اني في الاول صديتك
وكنت لو عديت علي بيتك
ابص وأتمناك تطلع
..
9 / ولا لحظه في بعدك
لو جيت في مره عشان تسيبني انا همنعك
لو حتي توصل اني اموت فيها نفسي
مهو لو رضيت اني في يوم اودعك
يبئا النهايه اخترتها وظلمت نفسي
ولا لحظه في بعدك يا حبيبي انا هقبل اعيشها
دي الدنيا في بعدك يا حبيبي مش عايز أشوفها
قربني في حضنك يا حبيبي انا لسه بخاف
طمني وقولي انك عمرك ما هتنساني
يا حبيبي ياريت كل شويه تطمن قلبي
ده الوقت بيخلص وانا تايه فيك وانت في حضني
خليك دايما عارف انك كل ما عندي
لو كنت بهمك يبئا بلاش يوم تبعدني
دي الدنيا بتضحك لما بشوف عينك قدامي
والورد يفتح لما بتضحك شئ تاني
يا أرق ملاك في الدنيا دي وبالنسبالي
انا عمري ما احس ان انا عايش غير وانت في حضني
ولا لحظه في بعدك يا حبيبي انا هقبل اعيشها
دي الدنيا في بعدك يا حبيبي مش عايز أشوفها
قربني في حضنك يا حبيبي انا لسه بخاف
طمني وقولي انك عمرك ما هتنساني
..
10/ مجروح
مجروح !!
من بعد ما سبتك انا مجروح
وجروح
قلبي متمنعشي ان انت تروح
لاء روح
انا لما بكيت دي حلاوة روح
لكن لو تسألني
انا قلبي أرجل مني
هيرد يقولك يلا وروح
انا راضي أعيش مجروح
مش مزلولك
من تاني ولا عمري هكونلك
عايز أقولك
مش معني دموعي اني خسرتك
لو حتي خرستك انا كسبان
كسبان قلبي
إياك ترجع
لو يوم جيت قولت ان انت ندمت
انا مش هرجع
انا قلبي خلاص فاق واتعلمت
إزاي افرق
بين راحة قلب مايله وراحة قلبي ونفسي
..
11 / فارس
الضحكه دي محتاجه قلب
يشيلها جوه عنيه
ضحكة عيونك ليها سحر
ربنا اللي حاميه
ولا ابتسامتـِك
لون عيونـِك
رقة ملامحـِك
الله يصونـِك
النظره تهوس
اللي يشوفـِك
والكل شاغل باله بيكي
ربنا يكون في عونـِك
صوتـِك يحرك القلب جوه
يشهد بحبـِك في ثانيه واحده
والكل يعلن انهزامه
لما بس يهل نوركـِ
فارس وبعلن انتصارِك لما شُفتـِك
سلاحي بئا قلبي ودرعي يبئا حُبـِك
وحصاني الابيض في انتظار إشاره منـِك
فارس لكني بقيت قصادك جندي ليكي
وأي حاجه هتطلبيها .. بين ايديكي
انا تحت أمر الضحكه دي ونظرة عنيكي
ولا ابتسامتـِك
لون عيونـِك
رقة ملامحـِك
الله يصونـِك
النظره تهوس
اللي يشوفـِك
والكل شاغل باله بيكي
ربنا يكون في عونـِك
صوتـِك يحرك القلب جوه
يشهد بحبـِك في ثانيه واحده
والكل يعلن انهزامه
لما بس يهل نوركـِ
..
12 / غرام ساكني
( دويتو )
أنا عايـشه حياه واحده
عشان كده مش هضيعها
انا أخترتك وانا راضيه
ودقات قلبي أهي اسمعها
بطل معايـا الجنـون
لـو بتفهم في العيـون
هتشوف في عيوني معنـي
انـي عشقاك للجنـون
بتحدي بيك المستحيل ,, ومأمنه بوجودك
للحب فيك مليون دليل ,, هداني لدروبك
أرجوك بلاش تديني حريه
حوط أوي عليا
انا راضيه بقيــودك
طب عارفه
أول ما شوفتِك قولت إني أكيد فـ حلم
انا لو هقارنـِك بالنجوم هيبئا ظلـم
ضياكي نورلي طريق كان كله هم
وكان أخره سد
أنا كل يوم سهران وبدعيلِك لربي
أنا نفسي تبئي أبويا وحبيبتي وامي
وحته مني
غراام ساكني
يجري فـ دمي
ومـــاله حــد
وأنا أكتر نفسي أكون ليك
النسمه اللي بتدخل فيك
وأفضل جواك وأعيش بيك
وأفرح طول ما انت فـ حضني
وأنا زيـِك نفسي أكون ليكي
ضلايه تظلل خطاويكي
نجمايه تنور لياليكي
وما أعيشي غير وانتي فـ حضني
بتحدي بيك المستحيل ,, ومأمنه بوجودك
للحب فيك مليون دليل ,, هداني لدروبك
أرجوك بلاش تديني حريه
حوط أوي عليا
انا راضيه بقيــودك
..
13 / لسه في وقت
قبل ما تييجي تودعني
فكر في اللي انت عملته
يمكن تقدر ترجعلي
تتأسف لحبيب بعته
يمكن لما أشوفك تاني
أرجع أحن لقلبك تاني
واقولك ارجوك تعالالي
وخلاص قلبك انا مسامحه
لسه في وقت بلاش تضيع عمرنا
لسه في وقت حبيبي يلا مد ايدك
لسه في وقت ووقتنا بيهمنا
قرب وشوف ازاي هيرجعلك حبيبك
يمكن لما أشوفك تاني
أرجع أحن لقلبك تاني
واقولك ارجوك تعالالي
وخلاص قلبك انا مسامحه
لسه في وقت حبيبي حافظ ع الوعود
لازم تجيلي ومهما كان لازم تعود
قلبي خلاص سامحك وبيقدم ورود
إقبلها منه وبوس ايديه وقوله بحبك
لسه في وقت ياريت مننساش اللي بينا
لسه في وقت والزمان رافض يخونا
ارجع بئا ورجع معاك فرحة حياتنا
قادر اسامحك يا حبيبي عشان بحبك
لسه في وقت بلاش تضيع عمرنا
لسه في وقت حبيبي يلا مد ايدك
لسه في وقت ووقتنا بيهمنا
قرب وشوف ازاي هيرجعلك حبيبك
.....
تحياتي
عبدالرحمن سامي
للعوده للجزء الاول من الالبوم