يسقط يسقط حكم العسكر

الاغنيه مكتوبه من سنه تقريبا .. ايام حكم المجلس العسكري

كنت عاملها عشان أغنيها راب .. لكن حصل وقعة قتل العساكر المصريين علي الحدود 

فـأخدت أولها " معدش ينفع ولا كنشي ينفع " ودخلتها في اغنيه تاني اهداء للعساكر اللي ماتو 

والاغنيه اسمها مـعدش ينفع .. تسمعها ؟؟ دوس هنا

ولأن الوقت فات ومعدش ينفع أغني الاغنيه .. فـ هنشرها ع المدونه للذكري !! 

***

فاكرين من سنه ونص لما بدأت الحكايه

وكل مره تييجي نهايه يقلبوها بدايـه

ولا حد عارف امتي بس يتمحي وجودهم

عملنا كل حاجه عشان يغورو احنا كارهينهم

القتله السفاحين الـ 19 بمشيرهم

معدشي ينفع

ولا كنشي ينفع

بدل ما نتقدم بقينا كل ساعه نرجع

اصل الحياه دي بالطريقه دي مش هتمشي

فاكرين لما قولنالكو مش هنمشي هو يمشي

مكنش قصدنا ساعتها الديكتاتور المستبد

كنا بنتكلم عن فساد لازم يبئا له حد

اصل الموضوع مش اليمين ولا اليسار

ده عسكري بدبوره زي اللعبه بزرار

يقوله اضرب بقوه واستمتع بقتل اخوك

يقوله العن أبوه يلعن ابو اللي جاب ابوه

وفات سنه وفوقيها نص والمرار طفح

ولسه برضو العسكري  بجح وبيأوح

فاكرين من سنه ونص لما بدأت الحكايه

وكل مره تييجي نهايه يقلبوها بدايـه

ولا حد عارف امتي بس يتمحي وجودهم

عملنا كل حاجه عشان يغورو احنا كارهينهم

القتله السفاحين الـ 19 بمشيرهم

اعلان دستوري .. وافقو عليه في شهر مارس

واتغير اكتر من 3 مرات ومحدش حاسس 

او يمكن حاسس 

بس مكنشي من مصلحته يكون معارض

فإلتزم السكوت والصمت ,, لحد ما يبان له صاحب 

وصاحب صاحبه ايامها اوي ومكنشي حابب 

بتكلم ع الاخوان – اللي هجرو الميدان 

بستغرب ليه باعونا واشترو شوية نسوان 

بكره طنطاوي يمشي .. بكره عنان يغور 

معدش مكان ما بينا لأي ديكتاتور

إلي بديع ,,, انت بتخووون 

مش هينضحك علينا تاني بالدقون 

عمر الاسلام ما اتلخص في شوية شعر في الدقن 

عمر الاسلام ما كان سياسه نجسه ولا هيكون 

عبدالرحمن سامي