بعيني شوفت | عبدالرحمن سامي

من سنتين بـالظبط الا شويه , سيبتك

يومها بكيت وحاولت ترجعني وفشلت

قولتلي يـومها ان انا من بـعدك هتعب

بس حقيقي بعد ما سيبتك انا اللي تـعبت

كنت مفكر ان قراري في مصلحتي ومصلحتك

وانت رفضت

ونصحتني اني أبـعد فتره وأرجعلك

واتهربت

لكن رغم قسوتي معاك احلف بالله مجرحتكش

زي ما شوفتك ماسك ايد غيري قدامي

و ساعتها انا اتحسرت

انا كنت مراهن نفسي انك لسه فاكرني

ومستنييني

لـسه ليلاتي بـتحلم بيا , لسه عايزني

لسه شاريني

لـسه لحد اليوم بتحاول تـعرف اخباري

كنت بـحس انك متأكد اني بـحبك

وانك هتقدر اني غلطت

نظرة عينك ليا يوميها

حسيت فيها ان انا معلول

كات مليانه ألف عتاب وكلام معناه

اني المسؤل

واني اللي اخترت

شوف كام شهر انا مقبلتكش

مكلمتكش

والكام يوم بـعد اما بـعدت وكنت تكلمني

محسكش

كنت بفكر نفسي يوماتي بـحجات بينا , عشان متعبش

كنت بقول ما خلاص قررت

كنت بحس اني اتسرعت

بس محستش ان انا سـيبتك

غير دلوقت

انا لامح في ايديه دخان

بتهدده تبعدو اذا بطلهاش .. ؟

زيي بيـحكيلك في زمان

وازاي كان , وازاي كان ميت من قبلك ومعاك عاش

بس يـاريت ميجيش له يـوم , ويـقول احترت

فكرت

قررت

قوله ساعتها , واحد كان قبلك موجود

مشي , كان فاكر انه هيقدر وقت ما هيحب انه يعود , هيعود

كان زيـك ميت من قبلي , ومعايا عاش

قرر يـوم يـبعد , حذرته , مسمعش غير صـوت غضبه

روح اسأله دلـوقت ايه اللي حصله .. ؟

هيقولك : الانسان اللي بتـسأل عنه .. من بـعد ما قرر يـبعدني ,,  مـااات

وبـعيني انا شوفت