بشرب سـجاير بإفتري
طول النهار
كإنها برسيم .. بيحش
فيه حـمار
وقـبل كل
سيجاره بـسأل نفسي ؟
مين اللي قبل التاني
فينا راح يـنهار !
..
عاكست بت وهي مـاشيـه
وقفت وقالت في حاجه
يا اسطي ؟
قولتلها لاء – قالتلي طيب ليه عاكست ؟
حتي الزمن ده بئا ليه
اسباب للمعاكسه !
..
انا لما بـضحك الزعل
نفسه بيفرح
واما أغني
الثمار ع النخل تطرح
انا اللي يتمناني كل
الناس
وبسأل : ليه في قلبك ملقتش مطرح !
..
بـكتب انا في خيالي
من قبل الورق
كلام كتير خاب وكلام
كتير صدق
لـكن مخبي
كلام تاني مستني اقولهولك
مـيعرفوش جنس مخلوق
اتخلق .
..
عربيه ماشيه ع الطريق
سيقاها حُرمه
كانت قمر , زنقت عليا
عملت حادثه
مِشيت وفاكره انها هي
السبب
مع انها عادتي .. مش يعني اول مره !
..
قبل اما اقوم ادخل عشان أمتحن
عارف ومتأكد اني داخل أتصدم
فيها ايه لو كنت أذاكر بدل ما اقعد اكتب
قوم يا فنان .. خش إتشرم .
**
عبدالرحمن سـامي
0 عايز تقول رائيك؟:
إرسال تعليق