بالدستور ضاعت الثوره

 ازيكمـ

طيب

من الاول اللى مكنش مؤيد للثوره من البدايه يطلع بره.. لان الكلام ده ما بينا بين قوسين قوى الثوره

إيمانكـ بالثوره دلوقتى او حتى من بعد خلع مباركـ ولو بساعه شىء جميل تعتبر شريكـ فى الثوره بس معلش اطلع بره

برضه مش هتطلع كمل قرأه بس ركز

هتكلم فى نقاط محدده جداجداً

موضوع واضح ومحدد جدا جداً

س: لماذا قمنا بالثوره ؟

هتجبها كده هتجبها كده مش هتلاقى رد اوضح او ابسط او اكتر اقناعاً ( من الحريات )

1/ سبب خروج الاخوان للثوره بغض النظر عن التوقيت او الكيفيه او العدد , خروجوا ليه ؟

خرجوا عشان حريتهم من (إعتقالات ,الاضهاد,ممارسه النشاط الدعوى بحريه).

2/ سبب خروج السلفين للثوره (الاقل من السلفين لان انا جارى شيخ سلفى كان معانا ف اللجان الشعبيه ف الثوره يشتم ف الثوار وفـ الشيخ القرضاوى (معرفش ليه بأوسخ الشتايم اللى متخرجش من واحد متدين )وبعد كام شهر بقى وكيل حزب النور عندنا .

المهم : هوا هدفهم من الثوره حريتهم الدعويه . حقهم

3/ سبب خروج 6 إبريل للثوره : أظنهم هما وحركة كفايه مخرجوش للثوره هما كانوا بره اصلاً والباقى خرجلهم

الهدف (التخلص من نظام سياسى قمعى ,يكون شراره نور وسط اجهزه امن قمعيه ) ولإن ديماً الاجابه هى الشباب

4/ سبب خروج واحد زى خالد يوسف للثوره :بغض النظر عن توجه السياسى الا إن أهم أهدافه (حريه الفن بتاعه ,وإن ميضطرش يدخل حروب كل سنه على ما يتوافق لفلمه إنه يتعرض .

5/ المسحيين : خرجوا بأهداف معظمها أهداف القوى الاخرى ( جزء مننا )

اقف هنا بقى واسأل نفسكــــــــ

أنتا خرجت او أيدت الثوره ليه ؟

هل مؤمن إن كل القوى دى جزء من الميدان وإن من غيرها كانت فشلت الثوره ؟

هل مؤمن ان كان فى حريات لكل القوى دى فى عصر مباركـ ؟

هل كان فارق عندكـ او ف تخيلكـ حد معين او تيار بعينه يحكمـ بعد مباركـ ف اللحظه دى ؟

كنت مصدق الوحده اللى ف الميدان بجد ,ولا كنت شايف انها فرصه نضيفه لإسقاط مباركـ وبعدين نختلف تانى ؟

ياحضرات ..؟؟ المصيبه تكمن في الكلمتين دووول

يعنى انا كمسيحى او ليبرالى او اخوانى اخرج معاكمـ كلكمـ أطالب (بحرياتى ) وحرياتكم واجى دلوقتى ألاقيكمـ واقفين عايزين تطبقوا سقف الحريات بتاعكمـ إنتم بحد اقصى والباقى ينصاع ليكمـ ؟

تفرقوا ايه عن مباركـ؟

ناس عايزه تطبيق شرع الله ... ( كنا كفار )

ناس عايزه تطبيق العلمانيه (زهقنا من التدين )

بقالنا سنه ونص بنتكلم عن هويه الدوله كأننا لسه مؤسسين الدوله دى مش انها اقدم دوله ع الارض ولا إنها دوله مسلمه من 1400 سنه ولا إن فيها أكبر منبر لنشر الاسلام ف العالم

بقالنا سنه ونص (قوى الثوره او المحسوبين عليها ف البرامج نص يقول للتانى عايز تقعد النسوان ف البيوت وتلبسنا جلاليب والنص التانى يقوله امال نمشى بالخمره ف الشارع والنسوان تقلع الحجاب ).

كان طبيعى جداً الشعب يمل ويرفض الاتنين , بل كان طبيعى أكتر إن النظام السابق يرجع بالسرعه دى , مش عارف مستغربين ع ايه ... ؟

اللى ينجحوا ف الاستفتاء يقولوا دى إرادة شعب , ياخدوا أغلبيه برلمانيه يقولوا دى ارده شعب , نسيوا اننا متفقين من الاول ع التوافق وان قدامنا لسه كتير ع ارداه حره للشعب , فكان طبيعى جداً العسكر يزورو وحيزوروا لشفيق ويقولك دى ارادة شعب

يفرق ايه عندى كذبكـ ع الناس ف الاستفتاء والبرلمان بإسمـ الدين

إن اللى معايا ف الجنه والتنيين كفار ,عن اللى العسكر بيعملوه من سرقه الوعى أن الثوره وحشه والنظام الفاسد هيتصلح ويبقى حلو .

إنتا وافقت تلعب ع جهل الناس او بساتطهم والعسكر مكذبش خبر وعمل زيكـ

إستغليت الدين وحب الناس له ؟ العسكر إستغل الجيش وحب الناس له ؟

بتكذبوا ع نفسكمـ إننا شعب متدين وبتهربوا من حقيقه إننا شعب بنحب المتدينين.

حصل خير

1/ لو إنتا إسلامى زى ما بتقول ؟

ترضى يحكمكـ شخص علمانى شارب للخمر ؟!

2/ لو إنتا علمانى ترضى يحكمكـ شيخ بيتاجر بالدين من وجة نظركـ ؟!

أقولكـ انا .؟ مفيش حاجه اسمها ليبراليه ولا علمانيه ولا اسلاميه فى مصر

فى حاجه اسمها عاطفيه ؟

وان المزاج العام للشعب بيتغير كل دقيقه , مش بقولكـ ف الانتخابات لاء؟ لقبول النتائج .

سهل جداً إقناعنا بالسقوط حتى لو حصل ضدنا تزوير , ببساطه لاننا كنا السبب شاركنا فيه بشكل او بآخر

الكلام دا ملوش علاقه بالانتخابات ولا لمرسى ولا شفيق الكلام دا له علاقه بالدستور

اللى لا عرفنا ولا عارفين ولا هنعرف نتفق عليه , لا إننا بنكذب على روحنا لسه بــــ إحنا إختيار الشعب !

مفيش حاجه اسمها توافق مشروط , في حاجه اسمها توافق حتى لو انا هخسر , المهم المجموع ينجح .

لو عايز تفهم الكلام دا بأى طريقه هتحوله ع مزاجكـ , مش هتفهم معناه بجد إلا لو كنت ..:

1/ عايز تفهم

2/ ملكش تيار سياسى .

3/ كنت مع الثوره قبل رحيل مباركـ .

عبدالرحمن سامي 

13/6/2012 

للتاريـخ