انا استاهل اني مفهمتش اصول اللعبه مـ الاول
وكنت اضحك علي الدنيا عشان الحزن يتحول
وكنت مفكر البسمه هتحميني من المكتوب
وكنت أغلط واقول عادي منا عايش مسيري أتوب
واتاري التوبه مش سهله لاني عملت يما ذنوب
واتوب ساعتين , وباقي اليوم انا مكمل
واعود عاصي من الاول
ومفهمتش اصول اللعبه مـ الاول
وكنت بخاف
لكن دلوقت مش خايف
لاني خلاص بقيت عارف
يا اما هموت وانا مستني دور مش جاي
يا اما هموت وانا شايف
ومبقتش اخاف الموت
لان الموت مَبيفرقش بين راجل وبين عيل
وانا عيل , ومفهمتش اصول اللعبه مـ الاول
وانا عاصي مجاش الموت
وانا تايب مجاش الموت
فرحت كتير , زعلت اكتر
واجهة الموت , ودايما كان بيتهرب
ولما اشم ريحة الموت , انا العيل وبتهرب
عرفت ان احنا لازم يوم هنتقابل
أمنت بإني مفهمتش اصول اللعبه مـ الاول
سحابه يا دنيا هتعدي
ومات اكبر , ومات اصغر , ومات قدي
اعرف كتير منهم , وكانوا احسن كتير مني
وكنت بقول اعمار وليها نهايـه ,
وعن نفسي مفكرتش بإني في يوم هفارقني
لحد ما مات حجات فيا , فأنا اتأكدت
بإني كنت مش فاهم اصول اللعبه مـ الاول
0 عايز تقول رائيك؟:
إرسال تعليق