انــا سي الـسيد






في قلبي كلام
ونفسه يقوله
بس ميعرفشي
يقوله لمين

انا نفسي احب
انسانه جميله
واللي محيرني
في كتير حلوين


كل البنات
بئو شكل واحد
جابو الجمال ده منين والله انا ما اعرف  
أحلي الصفات
انا مش عارفها
وازاي أحدد اللي عايزها انا نفسي اعرف

أختارها بيضه ولا سمره
لون العنين سوده ولا خضره
وشعرها طويل ولا قصير
بجد هتجنن
أختارها شيك ومش عاديه
ولا بعبايه او جلابيه
بجد محتار بين دي وديا
انا عايز أتفنن  


تكون في سني
 ولا انا أصغر
ولا الطبيعي
اني اكون أكبر
تكون بحاله
ولا بتصبر
بجد مش عارف


تبئا غانيه
 ولا فقيره
بنت بلدي
ولا غريبه
تكون بتضحك
ولا كئيبه
انا برضو مش عارف


كل البنات
بئو شكل واحد
جابو الجمال ده منين والله انا ما اعرف 
أحلي الصفات
انا مش عارفها
وازاي أحدد اللي عايزها انا نفسي اعرف


بس خلاص عرفت طلبي
تكون رقيقه وتحت أمري
وتحبني وتغير عليا
وتقولي اني روحها هي
وكل يوم لينا يبئا عيد
وكل يوم هنعيد

هعاملها علي انها جوليت
وانا روميو برضو وراجل البيت
وهي هتكون روحي وعمري
هيبئا ليها نصيب من قلبي
ووقت الجد هيبئا جد
هي أمينه وانا سي السيد  

J


0 عايز تقول رائيك؟:

مازلت عايش في الحياه بكيفي