امـتحانـات امــتحانــات امــتحانــــاااات










صــباح جديد - ومفيش جديد - ونفسي اعمل شئ مفيد - الامتحانات عماله تقرب - وانا ودمـــاغي لسه بعيد


الامتـحـــــــــــــــانــات
أكئب فتره الواحد بيعشها في السنه
حتي لو مذاكر مذاكرة السنين " وده طبعاً مبيحصلش " برضو بيكتئب
احساسك ان عليك امتحان بكره او بعده او الاسبوع الجاي بيخليك تحس انك شوفت حد وشه عكر طلعلك من تحت السلم والدنيا كُحل وانت مش شايف حاجه ومرعوب وخايف تخبط في الحيط وبكل برود يطلع يقولك " بـخ "
وبـكل بـساطـه " بتبخ "

انــا بقالي 15 سنه بتعلم – وسنه عن سنه بحس ان دمــاغي بتكبـر
بتكبـر فعلاً في كل حاجه , بحس اني بنضج وبفهم وبكبر وكده يعني الا في حكايـة الدراسه دي
بحس ان دماغي " بتكبـر " بجــد

فاضلي " رسمي " سنه ونص واخلص جـامعه امــا بئا لو قضيناها " عُرفي " فيبئا الله أعلم
لــو كنت مشيت رسمي من الاول كان زمــاني هتخرج السنه دي
بس انا مش حاسس اني ممكن اخلص جامـعه اصلا , حاسس اني لسه صغير
اذا , انا قــاعــد

ولــكن " لاء " انــا عـايز أنجح
أيـنعم همتحن كمان كام يــوم ولسه معرفش حاجه
ولو لحقت اعرف , فهعرف في اول مــاده , تاني مـــاده , يا سيدي قول تالت مـــاده
واللي بــعدهم شكلي هلبس صــح

السنه اللي فاتت – الترم الثاني – كـــان حالي أصعب من كده
انا بــوجه الكلام ده لنفسي عشان أحمسني J
كــان عندي 10 مواد في ترم واحــد , وهجمت الامتحانـــات وانا معرفش حاجه برضو
ودخلت أول ماده " صقت " ولكم ان تتخيلوا بئا احساسي بباقي المواد ولسه التقيل جي
بس الحمد لله ومعـرفش ازاي طلع عين اهلي اه ونَجحت في باقي الـ 10 مواد

انــا جربت احساس " السقوط " قبل كده , واحساس انك بتعيد سنه وبتروح تمتحن ماده تاني سنه
خوفك انك تسقط تاني بيرعبك اكتر من لـو كنت عايز تجيب تقدير

أقــولكم سر ومحدش يقول عليا أهبل J
انا بقالي اربع سنين في الجامـعه وغيرت جامعتي مرتين
وشوفت كتير وقليل وامتحنت اكتر من حـاجه وتلاتين مــاده في الجامعه بس
بـس المـاده والسـنه اللي وانــا رايـح الامتـحان بقول في نفسي
" انـــــــــــــا هنجح ان شاء الله "
والله بنجح , حتي لو مش مذاكر كلمه ربـك بيسهلها ومش حكاية غش
حكاية اني ممكن اكون مذاكر كام سؤال بس والاقي معظم الامتحان منهم

واليـوم اللي بتشائم واقـول انا " هســقط "
والله بسقط حتي لو مذاكر الماده مـن أول السنـه

عشــان كده انا قولت أسيب أخر تـدويـنه لـيا في 2011
فيها كلمة تـفائل – أمل – عشم في ربنا – ثـقه في نفسي اني اقدر اذاكر حتي لو يوم قبل الامتحان
وبــإذن الله , ربـنـا هيكرمنا جميعا في بـدايـة 2012
وهـتبـئا سـنه عسليـه ان شــاء الله

اتمني من اي حد قراء التدويـنه دي انــه يدعيلي ويدعي لـكل اللي بيمتحنوا
وان شــاء الله ربنا ميكسفنيش ولا يكسف حد علي قـدوم السنه الجديد J

بـاي بــاي 2011 برغـم غباوتك الا اني حبيتك اووووي وفرحت فيكي كتيير علي عكس ناس كتيير
حققت فيكي نفسي كتيير وكــان اول سنه في حياتي أخد قرارات مصيريـه وابئا قدهـا
وان شاء الله 2012 هتبئا تكمـله ومفيـش حاجه هتوقف الحلم انــه يكمل – يتطور – يتحقق

2 عايز تقول رائيك؟:

Mido Belal يقول...

الله ينجحك وينجح امثالك
تستاهل كل خير
انت راجل سكره هتنجح بعون الله

ليلك يقول...

ان شاء الله رسمي مش عرفي....ههههههههه ربنا يوفق جميع الطلبة..

مازلت عايش في الحياه بكيفي