حريق علي طريق







نقطه ومن أول السطر
افتح قوسين واكتب معايا
( حصل حريق علي طريق القطر )
صفحه جديده واكتب ورايا

شاف الجبان الحريق قام جري ,,
ـ و اوصف حمارته اللي هو راكبها ..
قادت الحريقه وطولها علي
هرب الجبان بعد اما قادها

تووووت تووووت
القطر ونشه ظاهرلي هناك
هتموووت هتموووت
بزعق بحاول أسمع السواق

ملحوظه
غطي الغبار السما والنور
علي جنب
وحده بتعدي رايحه القبور

زي ما قولنا الطريق كان غيوم
ـ القطر قرب وفات في الحريقه
بعد اما عدي لمحت هدوم
مرميه ع الارض جنب الحريقه

وأخر القصيده
وبعد دقيقه
سمعت صويت
ولطم وندب وزعيق وكلام
وبــــان الجبان
وسط الزحام

بيلطم ويبكي ويزعق ويشكي
واللي يبَكي
قاعد يشق في هدومه وبينده
أدي جزاتي
قومي يا أمي

نقطه واقفل الصفحه




0 عايز تقول رائيك؟:

مازلت عايش في الحياه بكيفي