هذه القصيده كتبتها امس بليل
قبل بيان القوات المسلحه اللي بيحذر فيه من حركة 6 ابريل وانهم عملاء
القصيده كتبتها للاخوان والسلفيين والجماعه الاسلاميه
قولتلهم في القصيده ان انتو اللي هتضيعو الثوره ومش حد تاني
بس بعد البيان ده
بضم المجلس العسكري معاهم في القصيده
وكل التحيه والتقدير لحركة 6 أبريل
............................
أشهدلكم
بحق انتم تعرفوه
وبإنكم
صونتو معايا حلم حاولو يغتالوه
بيني وبينكم عيش وملح وشاي ودم
و100 قصيده في كام ديوان وسط ميدان
انتو نسيتوه
يا شيخ فولان لسه الميدان محتاج خطب
صوت الميدان بينادي ليك وليه عتب
حال البلد دي في الميدان
لسه مأنش الأوان
يا كل عشاق الميدان .. ارجعو
ليه سيبتو ايمانكم بثوره
قولتو ان المولي صانها
ورجعتو جنب الكرسي تاني .. تسبحو
طار الشهيد هنا في الميدان
دم الشهيد سال ع البيبان
الحق عمره ما كان بيان
الحق حق في حاله واحده ..
لو حتي حبه بس .. هما اللي حاموه
أشهدلكم
وأشهد الطير في السما
ان الميدان ... خنتوه
مهو مش طبيعي
واحد بيهتف للعداله وانتو .. تخونوه .. وتكفروه
وتضيعو بكلامكم حق في يوم معايا .. طلبتوه
وفي النهايه
خايف لبعد سنين أشوف صوره لشهيد
فأدعي عليكم .. عشان بعتوه
وأشهدلكم يومها
واحكي لولادي حلم شعب بإسم نقطة ضعفه .. منه .. سرقتوه
4 عايز تقول رائيك؟:
جامدة جدا على فكرة
gamda ya sami
تسلم يا كبير :)
تسلم يا كبير :)
إرسال تعليق