زي القمر
والله انتي يا حبيبتي زي القمر
في عنادك
في غيابك
في فرحتك
بدمعتك
زي القمر
لما بخصمك وتصالحيني
واما انا بغلط وتعاتبيني
طول عمرك يا حبيبتي في عيني
احلي من القمر
لما دموعك تنزل منك
واما تغيري عليا منك
واما بتسهري تفتكريني
بيغير مني القمر
واما بنتمشي العصريه
وتبصلي واحده معديه
واشوف بئا غيرتك عليا
بتبئي زي القمر
واما الصبح بعدي عليكي
و يكون النوم مالي عنيكي
والحلو جميل حتي في نومه
واجمل م القمر
لما بتبئي عايزاني اقولها
وتقعد بئا لو ليله بطولها
تتكلمي وتلمحي فاهمك
بحبك يا قمر
وفي عيد الحب اما بشوفك
متوتره وماليكي اوي خوفك
والورده اللي ماليها كسوفك
أغلي من 100 قمر
ويا سلام بئا لو طالعين رحله
بتبئا بجد دي اجمل فرصه
علشان ويا هوانا بنسهر
علي ضي القمر
يارب نكمل فرحتنا
ونكمل مع بعض حياتنا
ونعيش مع بعضينا في بيتنا
ويكون فوق القمر
مش لاقي كلام حلو أقوله
قالو قمرنا ده صعب نطوله
بس حبيبتي دي هي حياتي
علشان زي القمر
في عنادها
في غيابها
في فرحتها
بدمعتها
أحلي من 100 قمر
0 عايز تقول رائيك؟:
إرسال تعليق